Շարունակական Մասնագիտական Զարգացման (ՇՄԶ) Ծրագրեր

Շարունակական
մասնագիտական
զարգացում
20 տարի

Մեր մասին

1988-ի երկրաշարժից անմիջապես հետո ԱՄՆ Հայ համայնքի երեք ակնառու անձանց` Գևորգ Հովնանյանի, Էդգար Հովսեփյանի և Արքեպիսկոպոս Թորգոմ Մանուգյանի շնորհիվ ստեղծվեց Հայ օգնության ֆոնդը։ Հաջորդած ամիսներին ու հետագա տարիներին Հայ օգնության ֆոնդը զգալի ուշադրություն դարձրեց Հայաստանի և Արցախի առողջապահության համակարգի բարեփոխմանը։ 

1996-2000 թթ.-ի ընթացքում Հայաստանի շուրջ 90 առաջատար բժիշկ-մասնագետներ ՀՕՖ-ի շնորհիվ հնարավորություն ստացան վերապատրաստվելու ԱՄՆ առաջատար համալսարանական կլինիկաներում, ովքեր և հետագայում՝ 2000թ-ին հիմնեցին «ՀՕՖ-ի բժշկական շրջանավարտների միավորումը» (ՀՕՖԲՇՄ)։ 

2005 թ. ՀՕՖ-ը ՀՕՖ-ի ԲՇՄ-ի հետ համագործակցությամբ սկիզբ դրեց ՀՀ մարզերում և Արցախում աշխատող բժիշկների շարունակական մասնագիտական զարգացման (ՇՄԶ) ինքնատիպ ծրագիրին, որը մեծ հաջողությամբ շարունակվում է առ այսօր:

2011թ ԱՄՆ Արևելյան ափի Ամերիկահայ բժիշկների միավորումը (AAHPO) գնահատելով ծրագրի արդյունավետությունը, միացավ ծրագրին՝ ստանձնելով Արցախի հանրապետության մասնագետների մասնակցության ֆինանսավորումը։

Ինչու՞ դիմել ծրագրին

Մասնագիտական գիտելիքների և հմտությունների թարմացում

ՇՄԶ 120 և ավելի գործնական և տեսական կրեդիտի ձեռքբերում

Նոր գործընկերների ձեռքբերում

Դուք կարող եք դիմել ծրագրին եթե աշխատում եք Հայաստանի մարզային բուժհաստատությունում կամ աշխատել եք Արցախի բուժհաստատությունում և ունեք երեք տարվա և ավել մասնագիտական աշխատանքային փորձ

Հաճախ տրվող հարցեր

Ինչպե՞ս կարող եմ դիմել ծրագրին։

  • Ծրագրին դիմելու համար անհրաժեշտ է լրացնել համապատասխան դիմում հայտը։
  • Բժիշները կարող են դիմել լրացնելով կից հայտը։ (Հայտը քլիքբլ, ու տանի  միանգամից հայտի էջ)։
  • Գլխավոր և ավագ բուժքույրերը կարող են դիմել լրացնելով կից հայտը։ (նույն լոգիկայով)։
  • Դիմելիս խնդրում ենք նշել այն ամիսները, որոնց ընթացքում կարող եք անցնել առկա վերապատրաստում Երևանում։

Ե՞րբ կարող եմ դիմել և ի՞նչ հաճախականությամբ կարող եմ մասնակցել ծրագրին։

  • Ծրագրին կարող եք դիմել ցանկացած ամիս հաշվի առնելով, որ դիմել անհրաժեշտ է առնվազն երկու ամիս շուտ այն ժամկետից, երբ պլանավորում եք անցնել վերապատրաստումը։
  • Ծրագրին դիմելը դեռևս չի երաշխավորում Ձեր մասնակցությունը։ Դիմումները մանրակրկիտ վերանայվում են ընտրող հանձնաժողովի կողմից յուրաքանչյուր ամսվա համար։
  • Ծրագրում ընդգրկման հավանականությունը բարձրացնելու համար, խորհուրդ ենք տալիս դիմել Ձեր նախորդ վերապատրաստումից առնվազն 3 տարի անց։

Ի՞նչ թեմաներով կարող եմ վերապատրաստվել և քանի ՇՄԶ կրեդիտ կարող եմ ստանալ։

  • Ծրագրում ընդգրկված թեմաներին և շնորհվող ՇՄԶ կրեդիտների քանակին կարող եք ծանոթանալ այստեղ։ (լինկ դնենք, որ տանի բացի համապատասխան էջի հատվածը )։
  • Ծրագրում ընդգրկված թեմաներին կարող եք դիմել, եթե Ձեր մասնագիտությունը համընկնում է համապատասխան թիրախային լսարանին (լինքով գնան նույն վերևի հատվածը)

Արդյո՞ք տրամադրում եք տեղեկանք կամ որևէ հավաստող փաստաթուղթ աշխատավայր ներկայացնելու համար։

  • Այո, եթե Դուք ընտրվում եք ծրագրում և հաստատում եք Ձեր մասնակցությունը, Ձեզ ուղարկվում  է պաշտոնական հրավեր, որը համարվում է պաշտոնական գրություն Գործատուին ներկայացնելու համար։ 
  • Ծրագիրը չի պարտավորվում կարգավորել Ձեր և Ձեր գործատուի հետ կապված հարցերը գործուղման, արձակուրդի կամ պաշտոնական վերապատրաստման ձևակերպման վերաբերյալ։

Կարո՞ղ են արդյոք ծրագրից օգտվել ոչ ավագ բուժքույրերը։

  • Ցավոք՝ ոչ։ Ծրագիրն այժմ միայն նախատեսված է ավագ, նրանց փոխարինողների և գլխավոր բուժքույրերի համար։

Եթե հայտում նշել եմ մի քանի ամիս, բայց ստացել եմ մերժում, արդյո՞ք անհրաժեշտ է կրկին լրացնել հայտը։

  • Նորից դիմել անհրաժեշտ է միայն այն ժամանակ, երբ հայտում նշված բոլոր ամիսների համար ստացել եք մերժում։ Եթե նշված մի քանի ամիսներից միայն մեկի համար ստացել եք մերժում, կրկին դիմելու անհրաժեշտություն չկա, քանի որ  Ձեր հայտը շարունակում է դիտարկվել հաջորդ ամիսների համար։

Որքա՞ն է կազմում մասնակցության վճարը։

  • Ծրագրի մասնակցությունն անվճար է։ Ավելին՝ ծրագրում ընդգրկվելու դեպքում Ձեզ տրամադրվելու է կրթաթոշակ-օրապահիկ։

Կարո՞ղ եմ ծրագրին մասնակցել կոտորակային կամ առցանց։

  • Ոչ։ Ծրագրի մասնակցությունը տեղի է ունենում Երևանի բժշկական կենտրոններում, ընդհատվող չէ՝ իրար հաջորդող 2 կամ 4 շաբաթ, Ձեր դիմումին համապատասխան։

Երևանից ի՞նչ հեռավորության դեպքում կարող եմ օգտվել բնակարանային կացության հնարավորությունից։

  • 70կմ և ավելի։

Այս ծրագրի կարևորությունը կայանում է նրանում, որ մայրաքաղաքի առաջատար բժիշկների արտասահ­մա­նյան հիվանդանոցներում ու կոնֆերանսներում ստացած գի­տելիք­ներն ու  հմտությունները չեն մնում մայրա­քա­ղա­քում, այլ տարածվում են Հայսատանի բոլոր մարզերում: Դա բարձրացնում է Հայաստանում առողջապահության մակարդակը:

Պրոֆեսոր Արա Բաբլոյան

30 years

Հայաստանի և Արցախի
առողջապահության կողքին։